Management information systems

УДИРДАГЧДАД ЗОРИУЛСАН ҮГ

Өнөөдөр дэлхий даяар IT БҮХНИЙГ ӨӨРЧИЛНӨ гэсэн үзэл санаа хүчтэй явагдаж байгаа бөгөөд хэрэглэгч компаниудтай, компаниуд нийлүүлэгчтэй харилцах харилцаа, бүтээгдэхүүн, үйлчилгээний төлбөр хийх үйл ажиллагаа өдөр ирэх тусам өөрчлөгдөж байгаа нь байгууллагын удирдлагуудыг уламжлалт үнэт зүйлсээ дахин эргэж харахад өөрийн эрхгүй хүргэж байна.

 

Мэдээллийн эрин зуунд байгууллагууд амжилт олохын тулд өөрийн дотоод нөөц бололцоогоо үр дүнтэйгээр ашиглах, бүтэц, зохион байгуулалтаа оновчтой болгох хэрэгтэй.

 

"АСУ Дисковери" ХХК-ийн залуус бид энэхүү өөрчлөлтийг хамгийн оновчтойгоор хийх "ASU Office" хэмээх цогц шийдлийг удирдагч танд толилуулж байна.

 

Эрхэм удирдагч таныг бидэнтэй хамтран ажиллаж, амжилт өөд хамтдаа тэмүүлэхийг эрхэмлэн хүсье!

ТӨРИЙН БАЙГУУЛЛАГАТАЙ ХАМТРАН АЖИЛЛАХ САНАЛ

Эх орныхоо сайн сайхан ирээдүйн төлөө оюун бодол, хүч чадлаа дайчлан ажиллаж буй эрхэмсэг төрийн түшээ таны энэ өдрийн амгаланг айлтгая.

 

Манай улс мэдээлэл, харилцаа холбооны технологийг хөгжлийн үндсэн хурдасгуур хэмээн үзэж, мэдлэг оюунд тулгуурласан нийгмийг цогцлоон байгуулах ажилдаа ороод байгаа билээ.

 

Бид өдрөөс өдөрт улам төгөлдөржиж буй танай байгууллагын үйл ажиллагаанд чинь дэмжлэг болон дараах зорилтуудын хүрээнд та бүхэнтэй хамтран ажиллах хүсэлтэй байна.

 

1. Мэдээллийн технологи дээр суурилсан Төрийн байгууллага – Иргэн хоёрын харилцааг идэвхижүүлэх жишиг загварыг бий болгож хамтран ажиллах
2. Байгууллагын үйл ажиллагааг электрон процесс дээр суурилсан цаасгүй технологид шилжүүлэх замаар Төрийн байгууллагын сонгодог загварыг бий болгон хамтарч ажиллах

 

Таны ИТГЭЛ, Бидний ЗҮТГЭЛ, Хамтын АМЖИЛТ!

"ЦАХИМ МОНГОЛ" ҮНДЭСНИЙ ХӨТӨЛБӨРИЙН ХЭРЭГЖИЛТИЙГ ХАНГАХ ТУХАЙ

Монгол улс Мэдээлэл, харилцаа холбооны технологийг хөгжлийн хурдасгуур хэмээн үзэж, Мэдлэгт тулгуурласан нийгмийг  цогцлоон байгуулах ажлыг Засгийн газрын үйл ажиллагааны тэргүүлэх чиглэл болгон зарлаж, 2005 онд “Цахим Монгол” үндэсний хөтөлбөрийг боловсруулан өнөөг хүртэл хэрэгжүүлэн ажиллаж байгаа билээ.

 

Хөтөлбөрийн эрхэм зорилго:
Мэдээлэл, харилцаа холбооны технологийг 21-р зууны хөгжлийн үндсэн хурдасгуур гэж үзэж, Монгол улсад мэдлэг оюунд тулгуурласан мэдээлэлжсэн нийгмийг байгуулахад оршино.

 

Хөтөлбөрт тусгагдсан зарим зорилтууд:
- Бүх нийтийн мэдээллийн үйлчилгээний хүртээмжийг дээшлүүлэх
- Төрийн мэдээллийн нэгдсэн тогтолцоо, мэдээллийн нэгдсэн санг бий болгох замаар “Төрийн ой” (Government institutional memory)-г бүрдүүлэх
- МХХТ-д тулгуурласан удирдлагын шинэ загварыг бий болгох замаар цахим засаглалыг хэрэгжүүлэх

"ЦАХИМ МОНГОЛ" ҮНДЭСНИЙ ХӨТӨЛБӨРИЙН ХЭРЭГЖИЛТИЙГ ХАНГАХ ТУХАЙ

"АСУ Дисковери" ХХК-ийн хамт олон бид дээрх зорилтуудыг бүрэн хэрэгжүүлж чадах  байгууллагын үйл ажиллагааг  цаасгүй технологид  шилжүүлэх "ASUOffice" систем, Монгол төрийн мэдээллийг иргэдэд нэг цэгээс хүргэх www.ASUinfo.mn портал системийг тус тус боловсрууллаа.

Энэхүү системүүд нь хөтөлбөрт тусгагдсан дараах арга хэмжээнүүдийн хэрэгжилтийг хангах боломжийг та бидэнд олгож байна.

 

Хөтөлбөрт тусгагдсан арга хэмжээнүүд:
- Төрийн байгууллагуудын үйл ажиллагааг цахим хэлбэрээр зохицуулах төрийн интранет порталыг бий болгох
- Төрийн байгууллагууд дотоод үйл ажиллагаандаа бүртгэл, бусад төрлийн мэдээллийн систем ашиглах (Back Office Application)
- Ард иргэд, хувийн хэвшилд хүртээмжтэй, хандахад хялбар, найдвартай төрийн мэдээллийн нэгдсэн болон төрөлжсөн сан бий болгох замаар төрийн мэдээллийг олон нийтийн хүртээл болгох
- МХХТ-ийг ашиглан төрийн болон орон нутгийн бодлого боловсруулах үйл ажиллагаанд иргэдийн оролцоог нэмэгдүүлэх
- Хууль тогтоомжийн төсөлд онлайн хэлэлцүүлгээр дамжуулан иргэдийн саналыг хүлээн авч тусгадаг механизмыг бий болгох
- Төрийн байгууллага, албан тушаалтанд хандсан санал, хүсэлтийг хүлээн авч шийдвэрлэх цахим тогтолцоог бий болгох